चैत १८ काठमाडौं ।
चालु आर्थिक वर्ष २०८१, ८२ मा १५ हजार मेट्रिक टन भन्दा बढि रासायनिक मल बिक्री भएको छ। कृषि सामग्री कम्पनी विर्तामोडले चालु आर्थिक वर्षको आठ महिनामा १५ हजार २९९ मेट्रिक टन रासायनिक मल किसानलाई बिक्री गरेको जनाएको हो।
किसानहरुको माग बढिरहेको र शाखामा मौज्दात कम भएका कारण वैशाखदेखि रासायनिक मलको अभाव हुनसक्ने शाखा प्रमुख दीपककुमार राजवंशीले बताएका छन्।
‘माग धान्ने गरी हामीसँग रासायनिक मल छैन’, प्रमुख राजवंशीले भने, ‘स्टक राखिएको मल पनि सकिन लागेकाले माग धान्ने गरी रासायनिक मल पुर्योउन नक्ने सम्भावना रहेको बताएका छन्।,
चालू आर्थिक वर्षमा कार्यालयमा लक्ष्यभन्दा बढी बिक्री भइरहेको देखिएको बताएका छन्। अन्य मलको तुलनामा युरिया मलको माग ह्वात्तै बढेको बताएका छन्।
भापा जिल्लामा यतिबेला चैते धान, मकै र चियामा मल लगाउनका लागि किसानहरुले छिमेकी मुलुक भारतका सीमावर्ती बजार बाट लुकीछिपी युरिया मल ल्याउने गरेका छन्।
झापामा कृषियोग्य जमिन धेरै भएको र एकै याममा विभिन्न प्रकारको बाली लगाउने गरिएको कारण जिल्लामा रासायनिक मलको खपत धेरै हुने गरेको कम्पनीका शाखा प्रमुख दीपककुमार राजवंशीले बताएका छन्।
उनका अनुसार चालु आवका लागि १७ हजार ५०० मेट्रिक टन रासायनिक मल पठाएको र अब शाखामा दुई हजार २०१ मेट्रिकटन मल मौज्दात रहेको जनाएका छन्।
