चैत १७ काठमाडौं ।
अमेरिकाको मिनेसोटा राज्यको आवासीय क्षेत्रमा विमान दुर्घटना भएको छ। अमेरिकी सञ्चारमाध्यमले जनाए अनुसार दुर्घटनामा विमान चालकको मृत्यु भएको जनाएको छ।
ब्रुकलिन पार्क अग्नि विभागलाई उद्धृत गर्दै स्थानी सञ्चारमाध्यमले विमानमा रहेका कोही पनि जीवित नभएको जनाएका छन्।
अमेरिकाको मिनेसोटा राज्यको एक आवासीय क्षेत्रको एउटा सानो विमान दुर्घटना हुँदा एक घरमा आगलागी भएको अमेरिकी सङ्घीय उड्डयन प्रशासनले जनाएको छ। सोकाटा टीबीएम ७ विमान स्थानीय समय अनुसार शनिबार राति १२ः२० बजे उक्त घरमा दुर्घटनाग्रस्त भएको थियो।
‘आयोवाको डेस मोइनेस अन्तर्राष्ट्रिय विमानस्थल बाट मिनियापोलिसको अनोका काउन्टी–ब्लेन विमानस्थलतर्फ गइरहेको विमान उड्नसाथ दुर्घटनाग्रस्त भएको हो’, अमेरिकी सङ्घीय उड्डयन प्रशासनद्वारा जारी विज्ञप्तिमा उल्लेख गरिएको छ।
अग्निनियन्त्रण अधिकारीले पत्रकार सम्मेलनमा दुर्घटना र आगलागीको समयमा घरमा कोही पनि नभएको बताएका छन्।