चैत १७ काठमाडौं ।
आजको प्रतिनिधिसभा बैठक सत्तापक्ष र विपक्षीहरुको चर्काचर्की पछि १५ मिनेटका लागि स्थगित गरेको छ।
नेपाल विद्युत प्राधिकरणका कार्यकारी निर्देशक कुलमान घिसिङको बर्खास्तीको विषयलाई लिएर विपक्षी दलहरुले प्रधानमन्त्रीको जवाफ माग गर्दै आएका छन्।
प्रधानमन्त्रीको जवाफ नआएसम्म बैठक चल्न नदिने विपक्षीको अडान छ। सभामुख देवराज घिमिरेले बैठक सुरू गर्नेवित्तिकै प्रमुख प्रतिपक्षी दलहरूले अवरोध जनाए पछि बैठक स्थगित गरेका हुन्।
प्रतिपक्षी दलले अवरोध गरेपछि सत्तापक्ष दलका सांसदहरूले पनि सदन सञ्चालनका लागि दबाब दिँदै आ–आफ्नो ठाउँबाट उठेर विरोध गरेका छन्। दुवै पक्षले आफ्नो अडानबाट नहटेपछि सभामुख घिमिरेले बैठक १५ मिनेटका लागि स्थगित गरेको घोषणा गरेका थिए।
आज प्रधानमन्त्री केपी शर्मा ओलीले भोलि संसद बैठकमा सम्बोधन गर्नेबारे संसद सचिवालयलाई जानकारी गराइसकेका छन्।
