चैत १७ काठमाडौं ।
काठमाडौं महानगरपालिकाले पूर्वराजा ज्ञानेन्द्र शाहलाई पठाएको जरिवाना पत्र बुझ्न नमाने पछि हुलाक मर्फत पठाएको छ।
गत शुक्रबार तीनकुनेमा ज्ञानेन्द्रको उक्साहटमा भएको आन्दोलनका क्रममा भएको तोडफोट र फोहोर मैलाको मूल्याङ्कन गरी महानगरपालिकाले जरिवाना पत्र काटेको थियो।
उक्त पत्र लिएर निर्मल निवास पुगेको महानगरपालिकाको टोलीलाई त्यहाँ बाट फिर्ता पठाइएको छ। ज्ञानेन्द्र शाहले पत्र बुझ्न नमानेपछि काठमाडौं महानगरपालिकाले कानुनी प्रक्रियामा गएर भएपनि जरिवना उठाउने जनाएको छ।
‘जरिवानाको पत्र बुझ्न नमाने पछि फर्केर टोलीले हुलाक मार्फत पत्र पठाएको नगर प्रहरी उपरीक्षक दिनेश अर्यालले बताएका छन्।
महानगरपालिकाले कानुनी सल्लहाकार अधिवक्ता ओम प्रकाश अर्यालले पत्र बुझ्न नमाने पत्रीकामा सूचना निकाल्ने, हुलाक मार्फत चिठी पठाउने साथै आर्थिक कार्यविधि तथा वित्तीय उत्तरदायित्व ऐन २०७६ अनुसार उठाउन सकिने बताएका थिए।
ऐनको दफा ४९ अनुसार केन्द्रीय तहसिलको कार्यालयले लगत कायम गरेर असुल उपर गर्न सक्ने व्यवस्था रहेको र सोहि अनुसार जरिवान असुल गर्ने बताएका छन्।
