चैत १४ काठमाडौं ।
भोली काठमाडौंमा समाजवादी मोर्चाको प्रदर्शन हुने भएको छ। समाजवादी मोर्चाले गणतन्त्रका पक्षमा प्रदर्शन गर्न लागेको हो।
भोली शुक्रबार काठमाडौंका दुई ठाउँमा प्रदर्शन हुने भएको छ। कार्यक्रम शुक्रबार ११ बजेपछि मात्रै सुरू हुने काठमाडौं जिल्ला प्रमुख जिल्ला अधिकारी ऋषिराम तिवारीले जनाएका छन्।
अधिकारीका अनुसार समाजवादी मोर्चा र दुर्गा प्रसाई नेतत्वृको बेग्ला बेग्लै प्रदर्शन गर्न लागेका छन्। समाजवादी मोर्चाको काठमाडौंको भृकुटीमण्डपमा र प्रसाईंलाई तीनकुनेमा प्रदर्शनका लागि काठमाडौं प्रशासन कार्यालय बाट अनुमति दिइएको जनाएको छ।
समाजवादी मोर्चाले गणतन्त्रका पक्षमा प्रदर्शन गर्न लागेको हो भने प्रसाईं नेतृत्वको समूहले राजसंस्था पुनस्र्थापना लगायत एजेन्डा अघि सारेर प्रदर्शन गर्न लागेका हुन्।
नेकपा (माओवादी केन्द्र), एकीकृत समाजवादी, नेपाल कम्युनिष्ट पार्टी र नेपाल समाजवादी पार्टीले विभिन्न ठाउँबाट ¥याली सुरू गर्ने तयारी गरेका छन्।
समाजवादी मोर्चाले बबरमहल, कुपण्डोल, त्रिपुरेश्वर, सोह्रखुट्टे, मैतीदेवी, सुन्धारा, न्यूरोड लगायत क्षेत्रमा भेला भएर भृकुटीमण्डपमा ¥याली गर्ने कार्यक्रम तालिका सार्वजनिक गरेको छ।
