चैत १४ काठमाडौं ।
आज देखि नेपालमा अन्तर्राष्ट्रिय वैज्ञानिक सम्मेलन सुरु भएको छ। ललितपुरको हिमालय होटलमा नेपाल मटेरियल्स साइन्स सोसाइटीको आयोजनामा सम्मेलन सुरू भएको हो।
शिक्षा विज्ञान तथा प्रविधि मन्त्रालय, सुदूरपश्चिम विश्वविद्यालय, निम्स, डब्लुपिआइ, माना, अमृत साइन्स क्याम्पस, पुल्चोक क्याम्पसको सहआयोजनामा वैज्ञानिक सम्मेलन भएको हो।
सम्मेलनमा नेपाल, जापान, अमेरिका, भारत, चीन, स्विजरल्याण्ड, अस्ट्रेलिया लगायत देशहरुका वैज्ञानिक सहभागी भएका छन्। सम्मेलनको नास्टका उपकुलपति प्रा.डा. दिलीप सुब्बाले उद्घाटन गरेका छन्।
तीन दिनसम्म चल्ने सम्मेलनमा विभिन्न ६ विधामा आधारित रहेर ११४ वटा वैज्ञानिक प्रस्तुती दिने कार्यक्रमा रहेको छ।
ऊर्जा भण्डारण तथा रूपान्तरण, हाइड्रोजन उत्पादन, जलवायु परिवर्तनजस्ता विषयहरूमा आधारित रहेर वैज्ञानिकहरूले प्रस्तुती दिने छन्।
कार्यक्रममा विभिन्न विश्वविद्यालयका उपकुलपतिहरू, विभिन्न देशबाट आएका वैज्ञानिकहरू, अनुसन्धानकर्मी, विद्यार्थी लगायत सहभागी रहेका छन्।
