१२ चैत, काठमाडौं ।
यहि चैत तेस्रो सातादेखि हेटौंडा सिमेन्ट उद्योगबाट पुनः सिमेन्ट उत्पादन हुने भएको छ। हेटौंडा सिमेन्ट उद्योग लामो समयदेखि बन्द रहेको थियो।
हेटौंडा सिमेन्ट उद्योगका निमित्त महाप्रबन्धक ईञ्जिनियर नविनकुमार कर्णको अनुसार उद्योगको मेसिन पुरानो र बिग्रिका मेसिनलाई मर्मत सम्भार सकिएकोले उद्योगका लागि तत्काल चाहिने कच्चा पदार्थ सुनिश्चितता र कर्मचारी काम गर्न सहमत भएपछि उत्पादन सुरु गर्ने तयारी रहेको जनाएका छन्।
उद्योग चलाउन नियमित विद्युत् चाहिन्छ, त्यसका लागि नेपाल विद्युत् प्राधिकरणसँग कुराकानी भएको र ‘प्राधिकरणले नियमित विद्युत् दिने प्रतिबद्धता जनाए सँगै उद्योग बाट सिमेन्ट उत्पादन हुने जनाएको छ।
कर्णका अनुसार उद्योग सञ्चालनका लागि आवश्यक कच्चा पदार्थ केही मौज्दात रहेको र केही आउने सुनिश्चितता भइसकेको बताएका छन्।
‘अहिले उद्योगका लागि करिब एक सय टन कोइला रहेको’, साथै ‘अरु कोइला भोलिदेखि आउने भएपछि, कच्चा पदार्थको खासै समस्या नहुँने ।’ कोइलाको पुरानो भुक्तानी हुन नसकेकाले कम्पनीसँग कुराकानी गरी उद्योग सञ्चालन गर्न कोइला पठाउन तयार भएको बताए जनाएको छ।
विसं २०३३ सालमा हेटौँडाको लामसुरेमा स्थापना भएको उक्त उद्योगले विसं २०४३ सालदेखि सिमेन्ट उत्पादन सुरु गरेको थियो। तर आर्थिक समस्या लगायतका कारण उद्योग बन्द भएको थियो। उद्योग बन्द हुँदा कर्मचारीले विगत तीन महिनादेखि तलब भत्ता पाउन सकेका छैनन्।
