चैत ११ काठमाडौं ।
अमेरिका र रुसबीच युक्रेनमा युद्ध रोक्नेबारे साउदी अरबमा वार्ता सुरु भएको छ। युक्रेनमा युद्ध रोक्नेबारेमा आज साउदीमा वार्ता सुरु भएको अन्तर्राष्ट्रिय समाचार संस्था रोयटर्सले जनाएको छ। गत बिहीबार ट्रम्प र युक्रेनी राष्ट्रपति भोलोदिमर जेलेन्सीबीच एक घण्टा लामो फोनवार्ता भएको थियो।
वार्तामा अमेरिकाको तर्फबाट ह्वाइट हाउस नेशनल सेक्युरिटी काउन्सिलका सिनियर डाइरेक्टर एन्ड्रिउ पीकको नेतृत्व र स्टेट डिपार्टमेन्टका वरिष्ट अधिकारी माइकल एन्ट सहभागी भएको छन्।
वासिङटनले भने बृहत सम्झौतामा सहमति जनाउनु अघि ब्ल्याक सीमार्फत हुने ढुवानीको सुरक्षा सुनिश्चितता गर्ने विषयमा सहमति खोजेको छ। यद्यपि यो क्षेत्रमा पछिल्ला केही महिनामा युद्ध भएको छैन।
वार्तामा रुसको तर्फबाट पूर्व–कूटनीतिज्ञ एवं रुसको माथिल्लो सदनका परराष्ट्र कमिटीका अध्यक्ष ग्रेगोरी कारासीने वार्ता गरिरहेका छन्।
रोयटर्सको अनुसार आफू पदमा आएदेखि नै रूस–युक्रेनबीचको युद्ध रोक्ने वाचा गर्दै आएका ट्रम्प पछिल्लो समय वार्ताबारे भएको विकासक्रममा सन्तुष्ट देखिएका छन्।
पुटिनले शान्ति सम्झौता गर्न तयार रहेको बताउँदै आएको छ। तर युक्रेनले नेटोको सपना छाड्नुपर्ने र रूसले दावी गरेको चार युक्रेनी क्षेत्रबाट युक्रेनी सेनालाई फिर्ता बोलाउनुपर्ने शर्त राखेका छन्।
ब्ल्याक सीको सहमति पछि दुई पक्षले लाइन अफ कन्ट्रोलबारे छलफल गर्ने जनाएको छ। ट्रम्प र जेलेन्स्कीको व्यक्तिगत संवाद रोकिए पनि साउदी अरबमा अमेरिकी अधिकारीहरूले युक्रेनी अधिकारीहरूसँग वार्ता गरेका थिए।
