चैत्र १० काठमाडौं ।
वीरगञ्ज सुक्खा बन्दरगाहबाट आर्थिक वर्षको राजस्व ३२ अर्ब बढि संकलन भएको छ।
भन्सार कार्यलय वीरगञ्ज सुक्खा बन्दरगाहले चालु आर्थिक वर्षको आठ महिनामा रु ३२ अर्ब ३२ करोड ८८ लाख ७८ हजार राजस्व संकलन गरेको जनाएको छ।
सुक्खा बन्दरगाह भन्सार कार्यालयका प्रमुख धनबहादुर बरुवालका आुसार चालु आर्थिका वर्षको पछिल्लो दुई महिनामा मासिक लक्ष्उको ९२ प्रतिशतसम्म राजस्व संकलन भएको जनाकारी दिएका छन्।
भन्सार विभागले कार्यालयलाई वर्षभरिमा रु ६० अर्ब चार करोड ८७ लाख ९७ हजार राजस्व संकलन गर्ने लक्ष्य दिएको थियो।
कार्यालयले गत साउनमा रु तीन अर्ब ७५ करोड, भदौमा रु चार अर्ब ६४ करोड राजस्व संकलन गरेको थियो। भने असोजमा रु चार अर्ब ३६ करोड, कात्तिकमा रु तीन अर्ब ७९ करोड राजस्व संकलन गरेको थियो।
यसैगरी, गत मंसिरमा रु तीन अर्ब २२ करोड, पुसमा रु तीन अर्ब ५६ करोड, माघमा रु चार अर्ब २९ करोड र फागुनमा रु चार अर्ब ६८ करोड राजस्व संकलन गरेको हो।
