चैत ९ काठमाडौं ।
अमेरिकाको मेरिल्याण्डमा ‘ईनास राष्ट्रिय सम्मान २०२५’ आयोजना हुने भएको छ। २१ जुलाईमा मेरिल्याण्डमा आयोजना हुने समारोहमा ‘ईनास राष्ट्रिय सम्मान २०२५’ प्रदान गरिने भएको हो।
मेरिल्याण्ड राज्यको हार्फोर्ड काउन्टीस्थित ‘रमादा विन्डहम (१७०० भाम विबर रोड इजउड)मा हुने कार्यक्रममा नेपाली संस्कृति झल्कने सांस्कृतिक प्रस्तुति प्रस्तुत गरिने भएको छ।
कार्यक्रममा अन्तर्राष्ट्रिय नेपाली कलाकार समाज (ईनास)को अमेरिका शाखाले नेपाली भाषा, कला, साहित्य, खेलकुद, चलचित्र, समाजको विकासमा विशिष्ट योगदान पु¥याउने व्यक्तिहरूलाई सम्मान गर्ने भएको छ।
समारोहमा अमेरिका लगायत विश्वभरी छरिएका नेपाली कला, साहित्य, खेल, मनोरञ्जन क्षेत्रका कलाकार, खेलाडी, विभिन्न निकाय र संघसस्थाहरुका प्रतिनिधिको सहभागिता हुने छ।
२६ अगस्ट, २०१२ मा युरोपको पोल्याण्डबाट ईनासको इतिहास सुरु भएको थियो। सन् २०१४ मा भर्जिनिया बाट ईनास अमेरिकाको सुरुवात भयो। अहिले मेरिल्याण्ड, भर्जिनिया, पेन्सिलभेनिया, केन्टकी लगायतका राज्यमा विस्तार भएको छ।
‘अग्रजलाई सम्मान र नवप्रतिभा बालबालिकालाई प्रोत्साहन’ गर्ने उद्देश्यले हुन लागेको कार्यक्रम सन् २०२२ बाट सुरु गरिएको हरेक दुईवर्षमा हुने विशेष सम्मान कार्यक्रमको दोस्रो संस्करणको निरन्तरता रहेको जनाएको छ।
