चैत ९ काठमाडौं ।
म्याग्दीको रातोढुङ्गा सबस्टेशन सञ्चालनमा आएको छ। विद्युत् आपूर्ति गर्न निर्माण भएको ३३, ११ केभी क्षमताको रातोढुङ्गा सबस्टेशन सञ्चालन भएको हो।
पर्वतको जलजला गाउँपालिका–४ मोहनचोकबाट म्याग्दीको मालिका गाउँपालिका–६ रातोढुङ्गा जोड्ने २२ किलोमिटर दूरीको प्रसारण लाइन र रातोढुङ्गामा निर्माण भएको सबस्टेशन सञ्चालनमा आएको छ।
आजदेखि नेपाल विद्युत् प्राधिकारणको म्याग्दी वितरण केन्द्रले विद्युत आपूर्ति गर्न थालेको हो। विसं २०८० माघमा गरिएको परीक्षण सफल भएको छ। उक्त सबस्टेशन बाट केन्द्रका प्रमुख सत्यनारायण गामीले परीक्षणका लागि सबस्टेशन बाट विद्युत् आपूर्ति गराउन थालिएको बताएका छन्।
अबको एक महिनाभित्र १५ दिनमा ठेकेदारले सबै संरचना बनाएर हस्तान्तरण गर्ने लिखित प्रतिबद्धता जनाएको समेत जानकारी दिएका छन्।
नेपाल विद्युत् प्राधिकरण मार्फत एटुजेड इन्जिनियरिङले सन् २०१६ मा रु.१६ करोडमा ठेक्का लिएको सबस्टेशन र प्रसारण लाइन सन् २०१८ को डिसेम्बरमा सक्ने लक्ष्य थियो।
ठेकेदार कम्पनीका प्रतिनिधि पद्मसागर लुइँटेलले परीक्षण अवधिपछि प्राधिकरणलाई औपचारिक रूपमा सबस्टेशन हस्तान्तरण गरिने केन्द्रका प्रमुख गामीले बताएका छन्।
