चैत ८ काठमाडौं ।
नेपालले सिंगापुरविरद्ध अन्र्राष्ट्रिय मैत्रीपूर्ण खेल खेल्नको लागि नेपालको खेलाडी टिम सार्वजनिक भएको छ।
सिंगापुरको राष्ट्रिय रंगशालामा हुने खेल नेपाली समय अनुसार साँझ सवा ६ बजे सुरू हुनेछ। जस खेल खेल्नका लागि डिफेन्डर सुमन श्रेष्ठले पहिलो रोजाइमा खेल्दै डेब्यू गर्ने भएका छन्।
नेपाल र सिंगापुर १९८९ मा प्रतिस्पर्धा गरेका थिए। नेपालले सिंगापुरसँग ३६ वर्षपछि खेल्न लागेको हो। त्यस अघि नेपाल र सिंगापुरबीच सन् १९८२ मा पहिलो अन्तर्राष्ट्रिय खेल भएको थियो। अहिलेसम्म नेपालले सिंगापुरसँग ३ अन्तर्राष्ट्रिय खेल खेल्दा सबै खेल गुमाएको थियो। सिंगापुर १६०औं स्थान तथा नेपाल १७५औं स्थानमा छन्।
सिंगापुरविरूद्धको खेल नेपाली राष्ट्रिय टोलीका प्रशिक्षक म्याट रसका लागि पहिलो अन्तर्राष्ट्रिय खेल हुँदै छ।
नेपाली टोली सिंगापुरसँग आज खेलेपछि मलेसिया जानेछ। मलेसियासँग नेपालले चैत १२ मा खेल्नेछ।
मलेसियामा नेपालले एएफसी एसियन कप २०२७ को छनोट चरणको अन्तिम चरणको खेलमा प्रतिस्पर्धा गर्न लागेको हो। मलेसियाविरूद्धको यो खेल नेपालको घरेलु मैदानमा हुने भए पनि अन्तर्राष्ट्रिय मान्यताप्राप्त मैदानको अभावमा मलेसियामै हुन लागेको हो।
नेपाली खेलाडी टोलीमा ः किरण चेम्जोङ (कप्तान तथा गोलकिपर), सनिष श्रेष्ठ, सुमन श्रेष्ठ, अनन्त तामाङ, जिलेस्पीजंग कार्की, एरिक विष्ट, सुमित श्रेष्ठ, अञ्जन बिष्ट, आयुष घलान, मनिष डाँगी, रोहित चन्द रहेका छन्।
