चैत ६ काठमाडौं ।
कालिगण्डकी करिडोर बेनी जोमसोम–कोरला खण्डमा ८५ प्रतिशत काम सम्पन्न भएको छ। उत्तर–दक्षिण व्यापारिक मार्ग विस्तारित आयोजना अन्तर्गत बेनी जोमसोम–कोरला खण्डमा हालसम्म भौतिक प्रगति ८५ प्रतिशत सकिएको हो।
चालु आर्थिक वर्षमा थपिएका नौ वटा आयोजना बाहेक उक्त खण्डको समग्र काम ८५ प्रतिशत पुगेको जनाएको छ।
उत्तरी कोरलानाका जोड्ने राष्ट्रिय गौरवको उक्त आयोजन आर्थिक वर्ष २०७३÷७४ देखि निर्माण सुरु भएको बेनी जोमसोम–कोरला सडक आयोजनाका सूचना अधिकारी विष्णु चापागाईले जनाएक छन्।
आयोजना अन्तर्गत सञ्चालनमा रहेका सडक कालोपत्रतर्फ सानाठूला गरी सात र सडक ग्राभेलतर्फ छ वटा सडक निर्माण सम्पन्न भएको आयोजनाका सूचना अधिकारीले जानकारी दिएका हुन्।
उनका अनुसार सडक कालोपत्रतर्फ म्याग्दीको बेनी कालीपुल, बेनी गलेश्वर, तातोपानीबाट कैकु, कैकुबाट कोवाङ, जोमसोम कागबेनी खण्ड गरी सात चरणमा सडक कालोपत्र तथा स्तरोन्नति सम्पन्न भइसकेको उल्लेख गरेका छन्।
चालु आवमा थप भएका नयाँ आयोजना मध्ये चार वटा पुलपुलेसा सम्बन्धी ठेक्का सम्झौता भई निर्माण अघि बढेको छ।
