चैत ६ काठमाडौं।
बागलुङमा ‘बेलायती र सिङ्गापुरे लाहुरे’ प्रशिक्षण केन्द्र बनेको छ। पाँच करोड ५० लाख लगानीमा प्रशिक्षण केन्द्र सञ्चालनमा ल्याइएको हो।
बागलुङ, म्याग्दी र पर्वतका युवाहरु बेलायत र सिङ्गापुरको लाहुरेमा भर्ती हुनका लागि पोखरा, बुटवल लगायतका स्थानमा पुगेर तालिम लिनुपर्ने बाध्यता रहेको भन्दै उनीहरुलाई नजिकै सेवा दिने उद्देश्यले तालिम केन्द्र सञ्चालनमा ल्याइएको जनाएका छन्।
चार जना भुतपूर्व बेलायती र दुई जना सिङ्गापुरे लाहुरेसहितको संयुक्त लगानी बाट तीन वर्ष पहिलेदेखि प्रशिक्षण केन्द्र निर्माण सुरु गरि प्रशिक्षण कोन्द्र सञ्चालनमा ल्याएको जैमिनी नगरपालिका–३ दमेकका बेलायती सेनाका भुतपूर्व लाहुरे जङ्गबहादुर पुनले जानकारी दिएका छन्।
उनीहरूले बागलुङ नगरपालिका–४ स्थित डाँडाखेतमा बेलायती र सिङ्गापुरे सेनामा भर्ती हुन चाहने युवाका लागि सुविधा सम्पन्न छात्रावाससहितको प्रशिक्षण केन्द्र सञ्चालनमा ल्याएका हुन्।
अहिले काठेखोला गाउँपालिका–८ लेखानी स्थायी घर भएका पूर्णबहादुर श्रेष्ठ केन्द्रमा प्रशिक्षकका रुपमा खटेका छन्।
