चैत ५ काठमाडौँ ।
नेपाल–भूटान डिस्ट्रिक सम्मेलन रोटरी सम्मेलन चैत ८ गते देखि आयोजना हुने भएको छ।
आगामी शुक्रबारदेखि ललितपुरमा विश्वका अधिकांश देशमा सञ्जाल भएको सामाजिक संस्था रोटरीको नेपाल–भूटान डिस्ट्रिक सम्मेलन आयोजना हुने भएको हो।
रोटरीले पोलियो उन्मूलन स्वास्थ्यसम्बन्धी परियोजना, स्वच्छ खानेपानी र वातावरण, शिक्षालगायतका सामाजिक क्षेत्रमा काम गर्दै आएको छ।
तीन दिनसम्म सञ्चालन हुने सम्मेलनमा नेपालका १५७ र भूटानका एक गरी १५८ क्लबका एक हजार ५०० सदस्य सहभागी हुने रोटरीको डिस्ट्रिक ३२९२ का गभर्नर राजेन्द्रमान शेरचनले पत्रकार सम्मेलनमा जानकारी दिएका हुन्।
