चैत ४ काठमाडौं ।
भेडेटारमा ‘स्काई वाक’ टावर सञ्चालनले होटल व्यवसाय सुधारोन्मूख भएको छ। पर्यटकीय नगरी भेडेटारमा गत साउन देखि स्काई वाक टावर सञ्चालनमा आएको हो।
कोरोना महामारी र आर्थिक मन्दीसँगै सुक्दै गएको होटल व्यवसाय स्काई वाक टावर सञ्चालनमा आएसँगै यवसायलाई राहत पुगेको जनाएको छ।
कोरोना महामारी र आर्थिक मन्दीसँगै सुक्दै गएको भेडेटारका होटल व्यवसाय कोरोना अघिको जस्तो नभए पनि टावर सञ्चालन भए पछि कोरोनाकालमा भन्दा सुधारोन्मूख रहेको व्यवसायीहरूको भनाइ छ।
विगत १८ बर्षदेखि होटल व्यवसाय गर्दै आएका अ्ररुण श्रेष्ठले भेडेटारको होटल व्यवसायमा देखिएको सुस्तता बिस्तारै हटेर जाने विश्वास व्यक्त गरेका छन्।
यस क्षेत्रका पर्यटकीय स्थलहरूको प्रचार तथा प्रवद्र्धन गर्न सकेमा भेडेटार पहिलेको व्यापारिक साख फर्कने आशा रहेको होटल लावती कर्नरका सञ्चालक लीलाराज लावतीले बताउँछन्।
होटल एशोसियसन भेडेटारका अध्यक्ष तुमराज लिम्बूले स्काई वाक सञ्चालनमा आएर यहाँको व्यवसायमा सुधार भएपनि टावरको प्रवेश शुल्क केही महँगो भएकाले सोचे जस्तो पर्यटकहरू आकर्षित नभएको गुनासो गरेका छन्।
हाल भेडेटारमा पर्यटकलक्षित एक सय भन्दा बढी सुविधा सम्पन्न र करिब दुई सय बढी साना होटलहरू सञ्चालनमा छन्।
साँगुरीगढी गाउँपालिका धनकुटा र आंशिक रूपमा धरान उपमहानगरपालिकाको सिमानामा निर्मित यस स्काई वाकले भेडेटारको पर्यटन तथा व्यापारमा महत्त्वपूर्ण भूमिका निर्वाह गरेको साँगुरीगढी गाउँपालिकाका अध्यक्ष जितेन्द्र रुम्दाली राईले जानकारी दिएका छन्।
कोशी प्रदेश लगानी बोर्ड र वण्डर्स ग्रुप अन्तर्गत वण्डर्स एम्युजमेन्ट पाक्र्स एण्ड अट्रयाक्सन्स प्रालिको २० करोड लगानीमा स्काई वाक निर्माण भएको हो।
