चैत २ काठमाडौँ ।
सभामुख देवराज घिमिरेले बिआरआई अन्तर्गतका नयाँ परियोजनाहरुलाई प्राथमिकता दिनुपर्ने बताएका छन्।
आज काठमाडौंमा आयोजित कार्यक्रमलाई सम्बोधन गर्दै नेपालको दिगो विकासका लागि चीनसँगको सहकार्यलाई अझ प्रभावकारी बनाउँनु पर्ने बताएका हुन्।
बिआरआई अन्तर्गतका योजना पारस्परिक हितका क्षेत्रमा थप लगानी गर्न आवश्यक रहेको समेत बताएका छन्।घिमिरेले नेपाल एक चीन सिद्धान्तलाई दृढतापूर्वक पालना गर्नुका साथै यस प्रतिको नेपालको प्रतिवद्धता बलियो रही आएको बताएका छन्।
बेल्ट एण्ड रोड इनिसिएटिभ (बीआरआई) मार्फत दुवै देशबीचको सहकार्य अझै मजबुत हुँदै गएको समेत बताएका छन्।
उनले नेपालमा रहेका लगानी सम्भावनाहरुलाई सही रुपमा पहिचान गरी बिआरआई अन्तर्गत नयाँ परियोजनाहरुलाई प्राथमिकता दिनुपर्ने उल्लेख गरेका छन्।
नेपाल—चीन बिचको सम्बन्ध केबल व्यवसायिक वा आर्थिक सहयोगमा सिमित नरहेको र दुवै देशबीच भौतिक पूर्वाधार विकास, सडक, रेलमार्ग, उर्जा, सूचना प्रविधि तथा व्यापारिक सहकार्यलाई प्रवद्र्धन गर्न आवश्यक रहेको साथै सांस्कृतिक, शैक्षिक तथा प्राविधिक हस्तान्तरणका क्षेत्रमा पनि सम्बन्ध बिस्तार भइरहेको बताएका छन्।
सभामुख घिमिरेले बेल्ट एण्ड रोड इनिसिएटिभ (बीआरआई) मार्फत दुवै देशबीचको सहकार्य अझै मजबुत हुँदै गएको उल्लेख गरेका छन्।
