चैत १ काठमाडौं ।
वुमन्स डे कप आज नेपालले समूह चरणको अन्तिम खेल हङकङसँग खेल्दै छ। युगाण्डामा जारी चार देश सम्मिलित वुमन्स डे कपमा आज समूह चरणका अन्तिम खेलहरू हुँदैछन्।
हालसम्म खेलेका पाँचमध्ये चार खेलमा पराजित भएको नेपालका लागि शीर्ष २ मा परेर फाइनल खेल्ने सम्भावना सकिएको छ।
एन्टेबे मैदानमा आज नेपाल र हङकङ तथा युगाण्डा र नामिबियाबीच खेल हुनेछ। नेपालको खेल दिउँसो पौने १ बजेदेखि सुरु हुने जनाएको छ।
नेपाल समूहमा चौथो हुने निश्चित भइसकेको छ। नेपालको ५ खेलमा २ अंक मात्र छ भने युगाण्डा, नामिबिया र हङकङको समान ६ अंक छ।
शनिबार भएको पहिलो खेलमा नेपाल नामिबियासँग पराजित भएको थियो। दोस्रो खेलमा युगाण्डालाई हराउँदा तेस्रो खेलमा हङकङ र चौथो खेलमा नामिबियासँग पराजित भएको थियो।
आजको खेलपछि फाइनल खेल्ने २ टिमको टुंगो लाग्ने छ। नेपालले समूहमा तेस्रो भएको टोलीसँग तेस्रो स्थानका लागि खेल्नेछ।
