फागुन २७ काठमाडौँ।
संस्कृति सम्पदा र पर्यटनको दृश्यांकनका लागि चीनका फोटोग्राफर नेपालमा आएका छन्। दृश्यांकनका लागि एक सय सदस्यीय चिनियाँ ‘फोटोग्राफर’को टोली काठमाडौं आइपुगेको हो।
संस्कृति, सम्पदा र पर्यटनको दृश्यांकन कार्यक्रमका लागि चाइना नेपाल फ्रेन्डसीप फोरम, नेपाल पर्यटन बोर्ड र राष्ट्रिय फोटो पत्रकार समूहको संयुक्त आयोजनामा हुने ‘लेन्स अन नेपालका लागि १०० चिनियाँ फोटोग्राफर नेपाल आएका हुन्।
नेपाल भ्रमणमा आएका चिनियाँ फोटोग्राफरको टोलीलाई सांसद उर्मिला माझी, नेपाल पर्यटन बोर्डका प्रबन्धक सूर्य थपलियाले स्वागत गर्दै चिनियाँ फोटोग्राफरको आगमनले नेपालको पर्यटन प्रवद्र्धनका लागि महत्त्वपूर्ण उपलब्धि भएको बताएका छन्।
नेपाल भ्रमण वर्ष २०२५ तथा नेपाल–चीन कूटनीतिक सम्बन्धको ७०औं वार्षिकोत्सवका अवसरमा कार्यक्रम गरिएको जनाइएको छ।
चिनियाँ फोटोग्राफरले नेपालका विभिन्न पर्यटकीय, सांस्कृतिक तथा ऐतिहासिकस्थलको भ्रमण गर्दै यहाँको प्राकृतिक सौन्दर्य र सांस्कृतिक सम्पदालाई फोटोमार्फत विश्वभर प्रवद्र्धन गर्ने जनाएको छ।
