फागुन २६ काठमाडौं।
आज पनि सेयर बजार नेप्से परिसुचक घटेको छ। लगातार छैटौँ दिन पनि नेप्सेमा गिरावट आएको हो। आज नेप्से २०.६८ अंकले घटेर २७५१.४२ विन्दुमा झरेको छ। नेप्से घटे सँगै कारोबार रकममा पनि गिरावट आएको छ।
आज ८ अर्ब ३७ करोडको कारोबार भएको छ। एक करोड ५० लाख ९४ हजार ९१५ कित्ता सेयर किनबेच भएको हो।४४ कम्पनीको सेयर मूल्य बढेको छ भने १९१ वटाको घटेको छ। यस्तै आठ कम्पनीको मूल्य स्थिर रहेको छ।
यसदिन नेष्डो समृद्ध लघुवित्तको मूल्य सर्वाधिक ९.९८ प्रतिशत, गार्डियन माइक्रो लाइफ इन्स्योरेन्सको मूल्य ८.७३ प्रतिशतले बढ्यो।
उपकार लघुवित्तको मूल्य सर्वाधिक ६.९८ प्रतिशत, सिक्लेस हाइड्रोपावरको मूल्य ५.८६ प्रतिशतले घट्यो। सर्वाधिक सेयर खरिद–बिक्री हुने दोस्रो कम्पनीमा हिमालयन रिइन्स्योरेन्स रहेको छ।
आज कारोबारमा आएका १३ वटा समूहगत परिसूचकमध्ये अन्य समूहको ०.०८ प्रतिशतले बढेको छ भने बाँकी सबै समूहको परिसूचक घट्दा समग्र नेप्से घटेको हो।
