फागुन २३ काठमाडौं ।
आज बाट काठमाडौंको बसन्तपुरमा होली सुरु भएको छ। आज बिहान ८ बजेर ३३ मिनेटको शुभसाइत हनुमानढोकामा चीर ठड्याई फागुको सुरुवात गरिएको हो।
हनुमान ढोका लगायत पाटन र भक्तपुरमा पनि चीर ठड्याइन्छ। हरेक वर्ष हनुमानढोका दरबारको गद्दी बैठकको दक्षिणतर्फ बसन्तपुरमा तीनतले चीर ठड्याएसँगै होली पर्व सुरु हुन्छ।
हनुमान ढोका लगायत पाटन र भक्तपुरमा पनि चीर ठड्याइन्छ। चाँगुनारायणमा भने लिच्छविकालदेखि नै होलीका दिन त्यहाँ रहेको राधाकृष्ण र रुक्मिणीको खट जात्रा निकालेर अबिर छर्दै चोक चोक घुमाइन्छ।
चीर ठड्याउनुको पनि विशेष महत्त्व रहेको संस्कृतविद् बताउँछन्। तीनतले चीरमा झुन्ड्याइने रंगीविरंगी कपडा श्रीकृष्णले लुकाइदिएको गोपिनीहरूको सारी मानिन्छ।
फागुन शुक्ल अष्टमीमा ठड्याइएको चीर पूर्णिमाको रातमा ढालिन्छ। लगत्तै चीरलाई टुँडिखेल पु¥याई दाह गरेपछि होली समाप्त हुन्छ। त्यसको भोलिपल्ट वसन्त ऋतु सुरु हुन्छ।
