फागुन २२ काठमाडौं ।
मारवाडी सेवा समितिले पशुपति धर्मशाला चलाउने बाटो खुलेको छ। आज पाटन उच्च अदालतले काठमाडौं महानगरपालिकासँग भएको सम्झौता बदर गर्ने फैसला गरे सँगै मारवाडी सेवा समितिले धर्मशाला चलाउने बाटो खुलेको हो।
अदालतको फैसला पछि पशुपति गौशाला धर्मशाला सञ्चालनका लागि काठमाडौं महानगरपालिकसँग भएको सम्झौता बदर भएको छ।
अदालतमा मारवाडी सेवा समिति नेपालले दायर गरेको रिटमा सुनुवाइ गर्दै आज मारवाडी सेवा समितिको पक्षमा फैसला गरेको हो। यससँगै समितिले धर्मशाला चलाउने बाटो खुलेको छ।
पशुपति क्षेत्र विकास कोष र मारवाडी सेवा समिति नेपालबीच २०६० जेठ १२ गते भएको सम्झौता पशुपति क्षेत्र विकास कोषले २०८० साउन १७ एकतर्फी रूपमा भंग गरेको थियो।
सम्झौता भंग भएपछि पशुपति विकास कोषले गौशाला धर्मशाला सञ्चालनको जिम्मा काठमाडौं महानगरलाई दिने निर्णय र सम्झौता गरेको थियो।
समितिले पूर्व सम्झौताको यथावत् परिपालना गरि पाउ भनी काठमाडौं जिल्ला अदालतमा मुद्दा दर्ता गरेको थियो।
उक्त रिट माथि भएको सुनुवाइमा उच्च अदालत पाटन बाट मारवाडी सेवा समिति नेपालको माग दाबी बमोजिम रिट जारी भई न्याय प्राप्त भएको समितिले जनाएको छ।
