फागुन १९ काठमाडौँ ।
आज नेपाल र भारत दुई देशबिच समझदारी पत्रमा हस्ताक्षर भएको छ। नेपाल–भारतबिच पानी, सरसफाइ र फोहोर पानी व्यवस्थापन क्षेत्रमा सहयोग अदालत प्रदानका लागि सम्झौता भएको हो।
नेपाल–भारत बिचको सांस्कृतिक र ऐतिहासिक सम्बन्धलाई ध्यानमा राख्दै यो साझेदारीले दुवै देशका नागरिकहरूको जीवनलाई अझ सहज, स्वस्थ र समृद्ध बनाउने विश्वास लिइएको भारतका जलशक्ति मन्त्री सीआर पाटिलले जनाएका छन्।
सम्झौतापत्रले दुई देशबिच पानी संरक्षण, सरसफाइ र फोहोर व्यवस्थापनमा प्राविधिक सहयोग, अनुभवको आदान प्रदानमा सहयोग पुग्ने समेत जनाएका छन्।
सम्झौता पत्रमा भारतको तर्फबाट जल शक्ति मन्त्री पाटिल र नेपालका खानेपानी मन्त्री प्रदीप यादवले हस्ताक्षर गरेका छन्।
