फागुन १६ काठमाडौं ।
जनकपुर भन्सारद्धारा चालु आर्थिक वर्ष २०८१, ८२ मा २४ करोड ७३ लाख ६९ हजार रुपैयाँ राजस्व संकलन गरेको छ।
चालू आर्थिक वर्षको राजस्व लक्ष्यको तुलनामा हालसम्ममा ४३ प्रतिशत मात्र राजस्व संकलन भएको भन्सार कार्यालयले जनाएको हो।
हाल सम्म २४ करोड ७३ लाख ६९ हजार राजस्व संकलन भए पनि भन्सार कार्यालयको वार्षिक राजस्व संकलन लक्ष्य ५७ करोड सात लाख १७ हजार रुपैयाँ रहेको जनाएको छ।
भन्सार कार्यालय अन्तर्गत जटही नाकाबाट हार्डवेयर सामग्री, अर्धतयारी कपडा, कृषिउपज, खाद्ययान्न, टायल्स, ग्रेनाइट, कोइला, कृषिका लागि विषादी, तरकारी एवं फलफूल, खेलकुद सामग्री, स्टेशनरी लगाएत विभिन्न उद्योगका कञ्चापदार्थ, घरायसी सामग्री आयात भएको भन्सार कार्यालयले जनाएको छ।
