फागुन १६ काठमाडौं ।
आज बिहानै देखि हुम्लामा हिमपात भएको छ। हुम्लाको दक्षिण भेग सर्केगाड, चंखेल, अदानचुली, ताजाकोट गाउँपालिका उच्च क्षेत्र नाम्खा गाउँपालिका र सदरमुकाम सिमकोटमा बिहानैदेखि वर्षा र हिमपात भएको हो।
हिमपात भएसँगै नेपालगन्ज , सुर्खेतबाट हुने हवाइ उडानसमेत प्रभावित भएको जनाएको छ। बिहान देखि हिउँ पर्न थालेपछि चिसो अत्याधिक बढेको छ।
हिमपात पछि नाम्खा गाउँपालिकाको लिमि, चाला, याल्वाङ, यारी, मुचु लगायतका क्षेत्रमा बाक्लो हिउँ जमेको छ।
