फागुन १५ काठमाडौं ।
ढोरपाटनको रुद्रतालमा पर्यटकको आकर्षण बढ्दो रहेको छ। ढोरपाटन उपत्यका नजिकै पर्ने रुद्रतालमा पर्यटक बढ्न थाले पछि ताल संरक्षण्मा ढोरपाट अघि बढेको हो।
बुर्तिबाङ–ढोरपाटन सडक छेउमै पर्ने तालमा पछिल्लो समय आन्तरिक तथा बाह्य पर्यटकको आकर्षण बढ्दै गएको छ।
चालु आर्थिक वर्षमा ढोरपाटन नगपालिकाले विनियोजन गरेको रु २५ लाख बाट ताल संरक्षणको काम अघि बढाइएको उपप्रमुख धनबहादुर कायतले जनाएको छन्।
धार्मिक महत्वसँग जोडिएको ताल पर्यटकको रोजाइमा पर्न थालेपछि ढोरपाटन नगरपालिकाले समेत संरक्षण गर्न थालेको जनाएको छ।
ताल धार्मिक आस्थासँग पनि जोडिएको छ, पहिले सडकले नजोडिँदा ओझेलमा रहेको ताल नजिकै बाट ढोरपाटन उपत्यका पुग्ने सडक बनेकाले सिकार आरक्ष क्षेत्रमा पुग्ने हरेक पर्यटकले तालको अवलोकन गरेकै हुन्छन्।
नेपालकै एक मात्र ढोरपाटन सिकार आरक्ष जाने सडकसँग जोडिएपछि पछिल्लो समय ताल धेरैको रोजाइमा पर्न थालेको नगरपालिकाले जनाएको छ।
