फागुन १४ काठमाडौं ।
टुँडिखेलमा नेपाली सेनाले सेना दिवस मनाएको छ। आज राष्ट्रको संस्कृति र परम्पराका रूपमा रहेको महाशिवरात्रि तथा सेना दिवस सैनिक मञ्च टुँडिखेलमा मनाएको हो।
ऐतिहासिक कालदेखि नै सेना राष्ट्रिय मूल्य, मान्यता, परम्परा र संस्कृतिबाट अभिप्रेरित रहँदै आएको संस्था भएको नेपाली सेनाकम प्रवक्ता गौरवकुमार केसीले जनाएका छन्।
समारोहको प्रमुख अतिथिका रुपमा राष्ट्रपति रामचन्द्र पौडेल सहभागी थिए। सैनिक मञ्चमा परेड, तोप बढाइ, कवाज लगायत विविध सांस्कृति कार्यक्रम प्रस्तुत गरिएको थियो।
नेपाली सेनाले २०४७ सालदेखि महाशिवरात्रिको दिनलाई सेना दिवसका रूपमा मनाउँदै आएको छ। सैनिक र नेपाली परम्परागत वेशभूषा झल्कने विविध कला, नृत्य र सङ्गीतको धुन प्रदर्शन गरिएको थियो।
समारोहमा उपराष्ट्रपति रामसहाय प्रसाद यादव, प्रधानमन्त्री केपी शर्मा ओली लगायत उच्च पदस्थहरूको उपस्थिति रहेको थियो।
