फागुन ९ काठमाडौं ।
राजस्व परामर्श समितिले सुझाव माग्न सुरु गरेको छ। आगामी आर्थिक वर्ष २०८२, ८३ को राजस्व नीति तर्जुमा गर्न राजस्व परामर्श समितिले काम थालेको हो।
अर्थ मन्त्रालयको राजस्व सचिवको संयोजकत्वमा गठन भएको समितिले विभिन्न उपसमितिले राजस्व नीतिका लागि राय, सुझाव माग्न सुरु गरेको जनाएको छ।
सुचना प्रकाशित गर्दै फागुन मसान्तभित्र आउने गरी राय सुझाव पठाउन भनेको छ। जसमा भन्सार सम्बन्धी ऐन, नियममा गरिनुपर्ने सुधार, भन्सार दर पुनरावलोकन, आन्तरिक उत्पादनलाई भन्सारका दरमार्फत संरक्षण गरिनुपर्ने देखिए त्यसको विश्लेषणमा समेत सुझाव मागिएको जनाएको छ।
भन्सार मूल्यांकन प्रणालीमा सुधार, प्रक्रियागत सरलीकरण र व्यापार सहजीकरण, भन्सार सम्बन्धी प्रशासन र संगठन संरचनामा सुधार, अवैध चोरी निकासी, पैठारी नियन्त्रण जस्ता विषयमा समेत सुझाव माग गरिएको छ।
सरकारले आगामी आवका लागि १९ खर्ब रुपैयाँ हाराहारीको बजेट सिलिङ पाएको छ।
