फागुन ८ काठमाडौं ।
अन्तर्राष्ट्रिय महिला च्याम्पियनसिप खेलमा नेपाल लिग चरणको फाइनलमा पुगेको छ। सावित्रा भण्डारी साम्बाले गरेको निर्णायक गोलमा लेबनानलाई पराजित गर्दै नेपाल फाइनलमा पुगेको हो।
आज साँझ दशरथ रंगशालामा भएको खेलमा लेबनान माथि १–० गोलको जितसँगै नेपाल फाइनलमा पुगेको हो।म्यानमारले यस अघि पहिलो खेलमा लेबनानलाई ३–१ गोल तथा बिहीबार भएको दोस्रो खेलमा किर्गिस्तानलाई ५–० गोलले हराएको थियो।
अघिल्लो खेलमा किर्गिस्तानलाई समान १–० गोल अन्तरले पराजित गरेको नेपालले लिग चरणको अन्तिम खेल खेल्नु अघि फाइनलमा स्थान बनायो।
नेपालसँगै म्यानमार पनि फाइनलमा पुग्यो। आइतबार म्यानमारसँग लिगको अन्तिम खेल खेलेपछि आगामी बुधबार म्यानमारसँगै फाइनल हुने छ।
खेलको नवौं मिनेटमा लेबनानको डरलाग्दो आक्रमणलाई नेपालकी गोलकिपर तथा एन्जिला तुम्बापो सुब्बाले विफल पारिन्। उनले लेबनानकी क्रिस्टी महालुफको प्रहारलाई पञ्च गर्दै क्रसबारमाथि पठाएकी थिइन्।
१२औं मिनेटमा लेबनानले अर्को अवसर गुमायो। नेपाली डिफेन्डरलाई बिट गर्दै डिबक्समा बल पु¥याएकी लेवनानकी लैला फिनिसिङमा चुकिन्। नेपालकी गोलकिपर एन्जिलाले गोलपोस्ट छोडिसकेको अवस्थामा उनको प्रहारले गोलपोस्टको दिशा लिन सकेन।
३० औं मिनेटमा नेपालकी गोलकिपर एन्जिलाले लेबनानकी लैलासँगको वान भर्सेस वानको अवस्थामा प्रहार थिइन्।
