फागुन ६ काठमाडौं ।
आज नेपाली राष्ट्रिय पुरूष कबड्डी टोली बंगलादेशको ढाका प्रस्थान गरेको छ। फेब्रुअरी १८ देखि २८ तारिखसम्म बंगालदेशसँग हुने ५ खेलको लागि नेपाली टोली बंगलादेश गएको हो।
प्रशिक्षक लोकबहादुर विष्ट, व्यवस्थापक खेमराज चौलागाईं तथा अफिसियलमा निराजन श्रेष्ठ र नवराज श्रेष्ठ लगाएत १४ खेलाडीसहित १८ सदस्यीय नेपाली टोली बंगलादेश गएको हो।
खेलाडीमा प्रमोदकुमार श्रेष्ठ, घनश्याम रोका मगर, सुशिल चुनारा, अमितकुमार राजभार, मेघराज गिरी, नवीन लुहार, रविन कुँवर, सतिशकुमार कुर्मी, सुरज बोहरा, सोहेल इस्लाम, सविन बोहाजु, रामु टमाटा, गणेश पार्की र भुवन बोहरा रहेका छन्।
