माघ १३ काठमाडौं ।
नेपाल–चीन सीमा क्षेत्रमा सुरक्षाकर्मी द्धारा संयुक्त अनुगमन गरेको छ। नेपाल र चीनको सुरक्षाकर्मीले हुम्लाको उत्तरी नाम्खा गाउँपालिका–५ हिल्साको किट सीमा क्षेत्रको संयुक्त अनुगमन गरेको हो।
सशस्त्र प्रहरी ४४ नम्बर गुल्म सिमकोटका सशस्त्र प्रहरी नायब उपरीक्षक देवराज राईको अनुसार हिल्सा देखि किटसम्म अत्याधिक चिसो रहेको जनाइएको छ।
सीमानाकामा अवाञ्छित घटना हुन नदिन सीमास्तम्भको अवस्था बुझ्न र सुरक्षाकर्मी बिच एकापसमा समन्वय बढाउन संयुक्त अनुगमन गरिएको जनाएको छ।
दुई देशका सुरक्षाकर्मीको निर्णया अनुसार हिल्सास्थित किट क्षेत्रमा पर्ने सिमाना र सीमास्तम्भको संयुक्त अनुमगन गरिएको सशस्त्र प्रहरी बल सीमा सुरक्षा चौकी हिल्साका प्रमुख सशस्त्र प्रहरी निरीक्षक कृष्णबहादुर ओझाले बताएका छन्।
त्यसैगरी, हिल्साबाट नारा र लिमीतर्फ पनि नेपाली सुरक्षाकर्मीले गस्ती गर्ने कार्य गर्दै आएका छन्। टोलीमा चीनको तर्फबाट चिनीयाँ सुरक्षाकर्मी र नेपालबाट सशस्त्र प्रहरी बल र जनपद प्रहरीको सहभागिता रहेको जनाएको छ।
हिउँदयाममा उत्तरी नाम्खामा हिमपात भएर यारी, हिल्सा आवतजावत बन्द हुने भए पनि बाह्रै महिना सीमा सुरक्षामा खटिदै आएको जनाएको छ।
