माघ १ काठमाडौं ।
देशभर आज माघे सङ्क्रान्ति पर्व मनाइँदै छ।
सूर्य धनु राशि बाट मकर राशिमा प्रवेश गर्ने सङ्क्रान्ति भएकाले माघ १ गतेलाई मकर (माघे) सङ्क्रान्ति भनिन्छ ।
आजको दिन देवघाट, त्रिशूली, कालीगण्डकी, वाग्मती, इन्द्रावती, त्रिवेणी, रिडी लगायत स्थानमा माघ स्नान गर्ने भक्तजनको घुइँचो लाग्दछ।
आजदेखि उत्तरायण सुरु हुने भएकाले दिनभन्दा रात छोटो हुँदै जान्छ। तराईवासीले माघ १ लाई नहान अर्थात् नुहाउने पर्वका रूपमा मनाउँछन्। तराईवासीले आज अनिवार्य नुहाउनुपर्ने मान्यता राख्छन्।
माघे सङ्क्रान्तिका दिन घ्यू, चाकु, तिलको परिकार, तरुल, पालुङ्गो, खिचडी आदि खाने चलन छ। यी परिकारले जाडोमा न्यानो प्रदान गर्ने भएकाले चिसो समयमा पर्ने पर्वमा तातो परिकार खाने गरिएको हो।
तरुल, सखरखण्ड, पिँडालु, वनतरुल पुसको अन्तिम दिनमा पकाएर माघमा खाने प्रचलन समेत विभिन्न ठाउँमा छ।
