पुस २६ काठमाडौं ।
झापामा नेपाल–भारत अन्तर्राष्ट्रिय सीमास्तम्भ मर्मत गरिने भएको छ।
सशस्त्र प्रहरीसँगै जिल्ला प्रशासन कार्यालय, नापी विभाग, स्थानीय जनप्रतिनिधि, भारतीय सीमा सुरक्षा बल (एसएसबी), स्थानीय वासीको उपस्थितिमा सीमास्तम्भ मर्मत सुरु गरिएको हो।
सशस्त्र प्रहरी बल नेपाल नम्बर २ गण, झापाका गणपति सशस्त्र उपरीक्षक कविन्द्र राईको अनुसार झापा मेचीनगर नगरपालिका–१५ सिसुवाडाँगीस्थित सानो सीमास्तम्भ नं. ९५, १२ बाट मर्मतसम्भार कार्य थालिएको बताएका छन्।
नेपाल–भारत ‘बाउन्ड्री वर्किङ ग्रुप’को निर्णानुसार नेपालका तर्फबाट मर्मतसम्भार गरिने बिजोर नम्बरका सीमास्तम्भ मर्मत थालिएको सशस्त्र प्रहरी बलले जानकारी दिएको छ।
झापामा भारतसँग नेपालको सीमा जोडिएको १४४.२ किलोमिटर क्षेत्र अन्तर्गत रहेका १०७ सीमास्तम्भ मर्मतसम्भार गरिने छन्।
