पुस २५ बुटवल ।
पूर्व–पश्चिम राजमार्ग अन्तर्गत नवलपरासीको दाउन्नेमा सवारी साधन आवागमन अवरुद्ध भएको छ।
मंलबार रातिदेखि अवरुद्ध सडक केही समय एकतर्फी रुपमा सञ्चालन भए पनि गए रातिदेखि फेरि शीतलहरका कारण अवरुद्ध भएको हो।
शीतलहर बढेर कच्ची सडक चिप्लो र हिलाम्य भएकाले दुर्घटनाको जोखिम हुँने हुँदा पूर्णरुपमा सवारी आवागमन अवरुद्ध भएको जिल्ला प्रहरी कार्यालय पश्चिम नवलपरासीले जनाएको छ।
रातभरको जामका कारण यात्रुले सास्ती भोग्न बाध्य भएका छन्। कतिपय यात्रुहरु भने रातभर हिंडेर दाउन्ने खण्ड पार गरेका छन्।
ठाउँ–ठाउँमा चिप्लोका कारण सवारी साधन एकआपसमा ठोक्किएका छन्। जसले गर्दा पूर्णरूपमा सवारी आवागमन सञ्चालनमा ल्याउन समय लाग्ने प्रहरीले जनाएको छ।
