पुस २४ काठमाडौं ।
संस्कृति, पर्यटन तथा नागरिक उड्डयनमन्त्री बद्रीप्रसाद पाण्डे र बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) का महासचिव इन्द्रमणि पाण्डेबीच भेटवार्ता भएको छ।
पर्यटन मन्त्रालयमा मन्त्री पाण्डेसाँग महासचिव पाण्डे नेतृत्व प्रतिनिधिमण्डलको टिमले भेट गरेको हो। मन्त्री पाण्डेले बिम्स्टेक टुरिज्म फन्ड वृद्धि गरी त्यसको प्रभावकारी कार्यान्वयका लागि सहयोग गर्न आग्रह गरेका छन्।
नेपालको पर्यटन क्षेत्रलाई अन्तर्राष्ट्रिय जगतमा र हवाइ उड्डयन क्षेत्रलाई चलायमान बनाउन बिम्स्टेक सदस्य राष्ट्रका पर्यटन बोर्डबीच आबद्धता तथा आपसी आदान–प्रदान लगायत विषयमा जोड दिएका छन्।
भेटमा बिम्स्टेक देशबीचको भिसा सहजीकरण, सांस्कृतिक, धार्मिक र पर्यटकीय सर्किटमा पर्यटन पूर्वाधार विकास लगायत विषयमा छलफल भएको थियो।
मन्त्री पाण्डेले दक्षिण एसियाली सहयोग संगठन (सार्क) सचिवालय सक्रिय नभएकै कारण सार्क निष्क्रिय रहेको उल्लेख गर्दै बिम्स्टेक सचिवालयलाई सक्रिय र प्रभावकारी बनाउन आग्रह गरेका छन्।
