पुस २३ काठमाडौं ।
आज बिहान नेपाली समय अनुसार ६ बजेर ५० मिनेटमा चीनको तिब्बत सिगात्से क्षेत्रलाई केन्द्रविन्दु बनाएर गएको भूकम्पबाट ३८ जना घाइते र ५३ जनाको मृत्यु भएको छ।
चीनको सरकारी समाचार एजेन्सी सिन्ह्वाका र अनलाइन सिजिटिएनले जनाए अनुसार भूकम्पको केन्द्रविन्दु २८.५ डिग्री उत्तर अक्षांश र ८७.४५ डिग्री पूर्व देशान्तरमा मापन गरिएको थियो।
चीनको जिजाङ्ग प्रान्तको सिगात्सेस्थित दिङ्गी गाउँमा केन्द्रविन्दु भएर शक्तिशाली भूकम्प गएको थियो।
नेपालको भूकम्प मापन केन्द्रले ७ म्याग्निच्युडको भूकम्प गएको रेकर्ड राखे पनि चिनियाँ भूकम्प मापन केन्द्रले उक्त भूकम्पलाई ६.८ रेक्टर स्केल मापन गरेको छ।
भूकम्पबाट भएको भौतिक क्षतिका विषयमा अहिलेसम्म विस्तृत विवरण नआइसकेको चिनियाँ सञ्चारमाध्यमहरुले जनाएका छन्।
भूकम्पको धक्का नेपालमा समेत महसुस भएको थियो।
