पुस २२ काठमाडौं ।
झापाको भद्रपुर उडेको बुद्ध एयरमा प्राविधिक समस्या भएको छ।
त्रिभुवन विमानस्थल बाट भद्रपुर उडेको बुद्ध एयरमा प्राविधिक समस्या देखिएपछि काठमाडौं डाइभर्ट गरिएको हो।
उडान नं ९५३ को कलसाइन नाइनएन–एजेएस विमानको दायाँ इन्जिनमा समस्या देखिएको बुद्ध एयरले जनाएको छ। समस्या देखिए पछि पाइलटले विमानलाई काठमाडौं डाइभर्ट गरेका थिए।
विमान आधा समय उडान गरिसकेको अवस्थामा काठमाडौं फिर्ता गर्नु परेको र विमान त्रिभुवन विमानस्थलमा सुरक्षित अवतरण भएको छ।
प्राविधिक टोलीले विमानको जाँच गरिरहेको समेत कम्पनीले जनाएको छ।
