पुस २२ काठमाडौं ।
उच्च हिमाली र पहाडी भू–भागमा हिमपात, पानी पर्ने सम्भावना रहेको छ।
जल तथा मौसम विज्ञान विभाग मौसम पूर्वानुमान महाशाखाको अनुसार पश्चिमी न्यूनचापीय प्रणालीको प्रभावले आज र भोलि दुई दिन उच्च पहाडी र हिमाली भू–भागमा हिमपात साथै केही स्थानमा हल्का वर्षको सम्भावना रहेको बताएका छन्।
आज साँझ सुदूरपश्चिम, कर्णाली र गण्डकी प्रदेशका उच्च पहाडी तथा हिमाली भेगका थोरै ठाउँहरुमा हल्का हिउँ पर्ने सम्भावना र कर्णाली प्रदेशका पहाडी भूभागका थोरै ठाउँहरुमा छिटपुटदेखि हल्का पानी पर्ने सम्भावना रहेको जल तथा मौसम विज्ञान विभागको मौसम पूर्वानुमान महाशाखाका मौसमविद सरोज पुडासैनीले बताएका छन्।
यसैगरी कोशी, बागमती र गण्डकी प्रदेशका उच्च पहाडि तथा हिमाली भू–भागका थोरै ठाउँहरुमा छिटफुटदेखि हल्का हिउँ र पानी पर्ने सम्भावना रहेको मौसमविद पुडासैनीले बताए। उनका अनुसार सुदूरपश्चिम र कर्णाली प्रदेशका हकमा थोरै ठाउँहरुमा हल्का हिउँ पर्ने सम्भावना रहेको बाँकी भूभागको केहि ठाउँमा छिटफुटदेखि हल्का पानी पर्ने स्म्भावना रहेको कताएका छन्।
देशभर नै तापक्रम केही घटेर चिसो बढेको छ। काठमाडौं उपत्यका धुम्म छ भने यहाँको न्यूनतम तापक्रम आज बिहान ८ दशमलव ४ डिग्री सेल्सियस छ भने दिउँसो अधिकतम तापक्रम १८ देखि २० डिग्री सेल्सियससम्म रहने सम्भावना रहेको मौसमविदले जनाएका छन्।
