पुस २१ काठमाडौं ।
दीपक मनाङे (राजीव गुरुङ) लाई सर्वोच्च अदालतले दोषी ठहर गर्दै दुई वर्ष चार महिना कैद बस्नुपर्ने फैसला गरेको छ।
ज्यान मार्ने उद्योग मुद्दामा सर्वाेच्च अदालतले दोषी ठहर गरेपछि पक्राउ परेका गण्डकी प्रदेशका सांसद दीपक मनाङेलाई पाँच वर्ष कैद सजाय भएकोमा यो मुद्दामा यस अघि दुई वर्ष आठ महिना कैद बसिसकेकाले बाँकी दुई वर्ष चार महिना कैद बस्नुपर्ने सर्वाेच्चले फैसला गरेको हो।
मनाङे हाल डिल्लीबजार कारागारमा छन्। फैसला लगत्तै फरार भएका मनाङेलाई कात्तिक २७ गते केन्द्रीय अनुसन्धान ब्यूरोले स्वयम्भुबाट पक्राउ गरेको थियो।
पक्राउ परेपछि पनि करिब दुई महिना कारागार बसिसकेकाले उनको कैद अवधि अब दुई वर्ष दुई महिना हुनेछ।
२०६१ सालको बैशाख ३१ गते महाराजगञ्जस्थित चुफाङ रेष्टुरेन्टमा मिलन गुरुङ(मिलन चक्रे)लाई खुँडाले आक्रमण गरेको घटनामा मनाङे दोषी ठहर भएका हुन्।
कात्तिक २० गते सर्वाेच्च अदाललते मनाङेलाई पाँच वर्ष कैद सजाय हुने उच्च अदालतको फैसला सदर गरेको थियो।
दीपक मनाङेलाई अदालतले गरेको फैसलाको पूर्णपाठ पनि पढ्नुहोस्।
