पुस २१ काठमाडौं ।
इजरायलले गाजा युद्धविराम र बन्धक मुक्त सम्झौताका लागि कतारमा वार्ता पुनः सुरु भएको पुष्टि गरेको छ।
एएफपीका स्थानीय संवाददाताले जनाए अनुसार बन्धकमध्येकी एक महिला सैनिक लिरी अल्बागका आफन्तलाई मन्त्रीले ‘बन्धकहरूलाई मुक्त गर्ने प्रयास भइरहेको र वार्ताका लागि इजरायली प्रतिनिधिमण्डल कतारमा पुगेको बताएकी छन्।
गाजा शहरमा रहेको अल–घौला परिवारको घरमा भएको हवाई आक्रमणमा परी ११ जनाको मृत्यु भएकै दिन वार्ता सुरू भएको प्यालेष्टिनी प्रहरीले जनाएको छ।
इजरायलका रक्षामन्त्री इजरायल काट्जले सन् २०२३ को अक्टोबरमा भएको आक्रमणमा बन्धक बनाइएका व्यक्तिहरूको रिहाईका लागि कतारमा हमाससँग अप्रत्यक्ष वार्ता सुरु भएको पुष्टि गरेका हुन्।
हाल गाजामा ९६ जना इजरायली बन्धक रहेका छन्। भने ३४ जनाको मृत्यु भएको इजरायली सेनाले जनाएको छ। काट्जका अनुसार प्रधानमन्त्री बेनाजामिनले ‘वार्ताका लागि विस्तृत निर्देशन’ दिएका छन्।
१९ वर्षीया एक युवतीले हिब्रु भाषामा साढे तीन मिनेट लामो रेकर्डिङ भिडियोमा इजरायली सरकारलाई आफ्नो रिहाइका लागि आग्रह गर्नुभएको सुन्न सकिन्छ, यद्यपि, भिडियोको आधिकारिकता बारे पुष्टि गर्न नसकिएको एएफपीका स्थानीय संवाददाताले जनाएको छ।
