पुस १९ काठमाडौं ।
अफसिजन मानिने याममा पनि पछिल्लो समय सगरमाथा क्षेत्रमा पर्यटकको संख्या बढ्दै गएको छ।
लुक्कलास्थित नेपाल नागरिक उड्डयन प्राधिकरण कार्यालयको अनुसार सातामा २२८ जना विदेशी पर्यटक सगरमाथा क्षेत्र प्रवेश गरेको बताएका छन्।
अफसिजन मानिने महिना पुस, माघमा पनि यस पटक पर्यटकको संख्या बढिरहेको हो। बिगतको बर्षहरुमा पर्यटकको सङ्ख्या न्यून रहने यस याममा अहिले पर्यटक सगरमाथा क्षेत्रमा आगमन बढेको जनाएको छ।
चिसो समयको प्रवाह नगरी भ्रमण गर्ने विदेशीको सङ्ख्या बढेसँगै होटल व्यवसायी पनि उत्साहित भएका छन्। अफसिजनमा भित्रिएका पर्यटकले व्यवसायीलाई निकै खुसी दिएको व्यवसायीहरुले बताएका छन्।
करिब एक साता अघि परेको हिमपातले खुम्बुमा झन् चिसो बढेर हाल तापक्रम माइनस १५ डिग्री सेल्सियसभन्दा तल झरेको बताइएको छ।
पर्यटकको आगमनलाई मध्यनजर गर्दै नेपाल प्रहरी सुरक्षामा सक्रिय रहेको जिल्ला प्रहरी कार्यालय खुम्बुले जनाएको छ।
