पुस १६ काठमाडौं ।
दक्षिण कोरियाका राष्ट्रपति यून सुक योलविरूद्ध पक्राउ पुर्जी जारी भएको छ।
अन्तराष्ट्रिय समाचार एजेन्सी रोयटर्सले जनाए अनुसार दक्षिण कोरियाली अदालतले यून सुक योलविरूद्ध पक्राउ पुर्जी जारी गरेको जनाएको हो।
यून सुक योलले डिसेम्बर ३ मा सैन्य शासन लागु गरेपछि उनीविरूद्ध महाअभियोग लागेको थियो। योलविरुद्ध महाअभियोगको प्रस्ताव पारित भएसँगै निलम्बित भएका थिए।
योन्हाप समाचार एजेन्सीले उदृत गरेको समाचार अनुसार जनवरी ६ भित्र राष्ट्रपतिलाई पक्राउ गरी सउल डिटेन्सन सेन्टरमा राख्ने तयारी गरेको जनाएको छ।
उच्चस्तरीय व्यक्तित्वहरू माथि छानबिन गर्न बनेको भ्रष्टाचार अनुसन्धान कार्यालयले पनि पश्चिमी सउल जिल्ला अदालतबाट पक्राउ अनुमति लिइएको पुष्टि गरेको छ।
केही दिनअघि कोरियाका कार्यवाहक राष्ट्रपति एवं प्रधानमन्त्री हान डक सूलाई पनि महाअभियोग लगाएको छ।
