पुस ९ काठमाडौं ।
आज बाट पर्यटकीय नगरी पोखरामा अन्तर्राष्ट्रिय बेलुन महोत्सव सुरु भएको छ।
कोरोना महामारी पछि पर्यटन क्षेत्र सुस्त रहेको र त्यसलाई पुरानो अवस्थामा र्फकाउन सक्रिय भूमिका खेल्ने विश्वासका साथ बेलुन नेपाल प्रालिले नेपालमा पहिलो पटक बेलुन महोत्सव आयोजना गरेको हो।
९ दिनसम्म चल्ने अन्तर्राष्ट्रिय बेलुन महोत्सव पहिलो संस्करणमा झन्डै दुई दर्जन बेलुन पोखराको आकासमा उडाइने छ। यो महोत्सवमा अमेरिका, स्पेन, लिथुवानिया, थाइल्यान्ड, भियतनाम लगायत विभिन्न देशको प्रतिनिधित्व रहने छ।
यो महोत्सवले आन्तरिक मात्र नभई विदेशी पर्यटकमा पनि आकर्षित गर्ने गरी नेपालको अर्थतन्त्रमा टेवा पु¥याउने आयोजकले विश्वास गरेका छन्।
४० मिनेटको उडानमा बेलुनबाट हिउँले ढाकिएका अन्नपूर्ण हिमशृङ्खला सहित माछापुच्छ्रे र धौलागिरि साथै पोखरा उपत्यकाको मनोरम दृश्य अवलोकन गर्न सकिने छ।
महोत्वसमा हरेक साँझ आतिशबाजी प्रदर्शन, बेलुन दौड र क्याम्पिङ पनि आयोजना हुनेछ।
