पुष ३ काठमाडौं ।
सुदूरपश्चिम नेपाल प्रिमियर लिग एनपीएलको फाइनलमा प्रवेश गरेको छ।
जनकपुर बोल्ट्सलाई ८ विकेटले पराजित गर्दै सुदूरपश्चिम रोयल्स नेपाल प्रिमियर लिग एनपीएलको फाइनलमा प्रवेश गरेको हो।
ओपनर विनोदले अविजित रहँदै ५८ रन बनाएपछि जनकपुरले दिएको १४० रनको लक्ष्य सुदूरपश्चिमले १८.३ ओभरमा २ विकेट गुमाएर १४१ रन बनाउँदै पूरा गरेको हो।
विनोदले ५५ बल खेल्दा ३ चौका र ३ छक्का प्रहार गरेका थिए। कप्तान दीपेन्द्र सिंह ऐरीले अविजित २० रन बनाए। ऐरीले चौका प्रहार गर्दै खेल जिताएका थिए।
त्यस अघि टस जितेर ब्याटिङ गरेको जनकपुरले निर्धारित २० ओभरमा ९ विकेट गुमाएर १३९ रन बनाएको थियो।
सुदूरपश्चिमले दोस्रो पटक जनकपुरलाई पराजित गरेको हो। क्वालिफायर वानमा पराजित भएपनि जनकपुरले फाइनल पुग्नका लागि अर्को खेल खेल्ने अवसर पाउने छ।
Post Views: 38