पुस २ काठमाडौं ।
जलेवा चरा जाडो छल्नका लागि काठमाडौं आइपुगेका छन्।
जलेवालाई आगन्तुक चरा भन्ने गरिन्छ। हिउँदको समयमा चिसो मौसम छल्नका लागि नेपाल भित्रिन्छन्। मंसिरको सुरूआतीमा भित्रिने यो चरा माघको अन्तिममा फर्किने गरेको पन्छी विज्ञ वेद खड्काले बताएका छन्।
हिमालका विभिन्न तालहरूमा बस्ने चरा न्यायो खोज्दै काठमाडौं आइपुगेको हो। मौसमी अनुकूलता हेरेर आवतजावत गर्ने जलेवा चराहरू अहिले कीर्तिपुर नगरपालिका वडा–६ टौदहमा आइपुगेका हुन्।
यो चराको मुख्य बासस्थान उत्तरी ध्रुव हो। उनीहरूको बासस्थानमा चिसो बढेसँगै मौसम छल्नका लागि नेपाल लगायत विभिन्न देशमा पुग्छन्।
यी करिब ८० देखि १०० सेमी सम्मको हुने गर्छन्। यी धेरैजसो कालो र खैरो रंगको हुन्छ। यिनीहरू समूहमा गुँड बनाएर बस्ने गर्छन्। यी चराको मुख्य आहार माछा हो।
पानीमा बस्ने भएकाले यसलाई जलेवा भनिएको र यस चराहरु ३३ भन्दा बढी प्रजातिमा पाइने गरेको पन्छी विज्ञ ले बताएका छन्।
