पुस २ काठमाडौं ।
आज सेयर बजार बढेको छ।
गत बिहीबार र सोमबार उच्च दरले घटेको नेप्से आज करिब तीन अंक (०.११ प्रतिशत) ले बढेर २६३३.८७ पुगेको हो।
मंगलबार त्यो प्रवृत्तिमा सुधार आए पनि वृद्धि उत्साहजनक हुन भएन। आज सेयर कारोबार ४ अर्ब ३४ करोड रुपैयाँको मात्रै भएको छ।
मंगलबार कारोबारमा आएका १२ उपसूचकमध्ये सात उपसूचकहरू सीमान्त रूपमा बढेका छन् भने पाँच उपसूचक सोही प्रवृत्तिमा घटेका छन् । कुनै पनि उपसूचकको वृद्धि वा घटाइ एक प्रतिशतभन्दा बढी हुन सकेको छैन।
यसले राजनीतिक तहमा उथलपुथल हुन्छ कि भन्ने डरले लगानीकर्ताहरू पर्ख र हेरको अवस्थामा बसेको देखिन्छ।
सबैभन्दा उच्च दरमा फाइनान्स उपसूचक ०.८७ प्रतिशतले बढेको छ भने विकास बैंक उपसूचक सबैभन्दा उच्च दर ०.६५ प्रतिशतले घटेको छ।
आज सपोर्ट माइक्रोफाइनान्स र जानकी फाइनान्सको सेयर मूल्य सर्किट लेभलमा बढेको छ। कारोबारका हिसाबले पनि जानकी फाइनान्सको कारोबार सबैभन्दा धेरै २२ करोड रुपैयाँको भएको छ।
मंगलबार १ सय १७ कम्पनीको सेयर मूल्य बढेको छ भने त्यति नै संख्याका कम्पनीको मूल्यमा गिरावट आएको छ।