आजबाट भक्तपुर महोत्सव सुरु

मङ्सिर २८ काठमाडौं ।
आजबाट भक्तपुर महोत्सव सुरु भएको छ।

भक्तपुर नगरपालिकाको आयोजनामा पाँचदिने भक्तपुर महोत्सव सुरु भएको हो। आन्तरिक तथा बाह्य पर्यटक आकर्षित गर्ने उद्देश्यले नगरपालिकाले २६ वर्षअघि यस्तै महोत्सवका गरेको थियो।

भक्तपुर जिल्लाको कला, संस्कृति, सम्पदा र मौलिक उत्पादन तथा पर्यटकीय गन्तव्यस्थलका रूपमा विकास गर्न महोत्सवले सहयोग पुग्ने अपेक्षाले महोत्सव गरेको जनाएको छ।

महोत्सवले ऐतिहासिक कला, संस्कृति, धार्मिक परम्परा झल्कने नृत्य, हस्तकला, घरेलु उद्योग, सीप, कला, खाद्य सामग्री, (बाँसुरी वादन प्रतियोगिता, भजन, नौबाजा, परम्परागत र आधुनिक सांस्कृतिक नाच), प्रदर्शनी पौभा, तस्बिर, चित्रकला, छ्वालीकला प्रस्तुत गर्ने छ।

यसैगरी परम्परागत पोशाक, वाद्यवादन यन्त्र, जीवित कुमारी, दिपङ्कर बुद्ध, मृत्तिका कला प्रदर्शनी, बौद्ध प्रकाशन, कृषि उत्पादन, खाना महोत्सवलगायत गतिविधि हुनेछन्।

यो समाचार पढेर तपाइले कस्तो महसुस गर्नुभयो ?

सम्बन्धित खबर

Leave a Reply

Your email address will not be published. Required fields are marked *