मंसिर २७ काठमाडौं ।
हिमपात भएपछि हिल्सा नाका बन्द भएको छ।
हिमपातले चीनसँगको सिमाना जोडएको हिल्सा आउजाउ गर्ने नाका बन्द भएको हो।
सोमबार बिहानैबाट भएको हिमपातको कारण ४६७० मिटर अग्लो नारा लेकमा बाक्लो हिउँ जमेको छ। त्यसले गर्दा हिल्सा आउजाउ गर्ने सडक अबरुद्ध भएको हो।
नारा लेकमा दुई फिटभन्दा बढी हिउँ जमेको कारण यारी हिल्सा र हिल्सा यारी सडक अवरुद्ध भएको प्रहरी निरीक्षक सरोज कँडेलले बताएका छन्।
हिल्सामा सशस्त्र प्रहरी, नेपाल प्रहरी, यारी नाका भन्सार कार्यालयका कर्मचारी, होटेल व्यवसायी लगायत बस्दै आएका छन्।
नारा क्षेत्रको सडकमा जमेको हिउँ नपन्छाएसम्म उक्त सडक सञ्चालनमा आउने अवस्था छैन। आइतबारसम्म सो सडकमा यातायातका साधनहरु सञ्चालनमा थिए।
उनले करिब बीस किलोमिटर सडकमा बाक्लो हिउँ जमेको कारण सडक बन्द भएको र हिल्सामा रहेका मानिस हिल्सामै रोकिएको बताएका छन्।
