मंसिर २६ काठमाडौं ।
लगातार ६ दिनदेखि घटेको सेयर बजार आज बढ्ेको छ।
आज बैंकिङ सेक्टरबाट बढेको सेयर बजार नेप्से ४५.८८ अंक (१.७१ प्रतिशत) बढेसँगै २७१५ मा कायम भएको छ।
सेयर बढ्दा कारोबार रकम पनि बढेको छ। अघिल्लो दिन ४ अर्ब ४१ करोडको कारोबार भएकोमा आज ५ अर्ब ५ करोडको कारोबार भएको छ।
नेप्सेको तुलनामा बैंकिङ सेक्टर दोब्बरले बढेको हो। पूँजीकरणका आधारमा बैंकिङ सेक्टर सबैभन्दा शक्तिशाली रहेकाले यसको प्रभाव बढी पर्दछ।
२११ कम्पनीको मूल्य बढ्दा २९ को घट्यो भने ३ को स्थिर रह्यो। यस दिन बैंकिङ सेक्टर सबैभन्दा धेरै ३.४३ प्रतिशत बढ्यो।
विकास बैंक १.६३, हाइड्रोपावर १.९६, फाइनान्स १.८३, होटल तथा टुरिजम १.०५, लगानी ०.७९, जीवन बीमा १.०७, उत्पादन ०.६०, माइक्रोफाइनान्स ०.४२, निर्जीवन बीमा १.०३, अन्य ०.५७ र व्यापार समूह १.५६ प्रतिशत बढ्यो।
न्यादी हाइड्रोपावरको ९.९, कुथेली बुखरी स्मल हाइड्रोपावरको ९.६, नारायणी डेभलपमेन्ट बैंकको ८.८, माथिल्लो मैलुङखोला जलविद्युतको ८.५ तथा राप्ति हाइड्रोको ७.१ प्रतिशत मूल्य बढ्यो।
खानीखोला हाइड्रोपावरको मूल्य १० प्रतिशत घट्यो। जोशी हाइड्रोको ८.२, महिला लघुवित्तको ६.२ तथा उपकार लघुवित्तको मूल्य ४.६ प्रतिशत घट्यो।
कारोबार रकमका आधारमा जानाकी फाइनान्स, रिभर फल्स पावर, एनआरएन इन्फ्रास्ट्रक्चर, जोशी हाइड्रोपावर र एचआईडीसीएल क्रमशः आजको कारेबारमा अगाडि रहेको छ।
