मंसिर २४ काठमाडौं ।
संसारको सबैभन्दा बुढो जंगली चराले ७४ वर्षको उमेरमा एउटा अण्डा पारेको छ।
यही हप्ता अमेरिकाको हवाई नजिकै रहेको प्रशान्त महासागरस्थित मिडवे एटोल राष्ट्रिय निकुञ्जमा विस्डम नामक उक्त लेन अल्बाट्रस चराले अण्डा पारेको हो।
अमेरिकी मत्स्य तथा वन्यजन्तुसेवा विभागले विस्डमलाई आफ्नो अर्को एक नयाँ साथीसँगै आफूले पारेको अण्डाको स्याहार गरिरहेको बेलाको तस्वीर खिचेको छ। उसले त्यस क्षणको भिडियो पनि सार्वजनिक गरेको छ।
यो प्रजातिको चरा आमरुपमा १२ देखि ४० वर्षको उमेरसम्म बाँच्दछन्। त्यसैले औसत आयुभन्दा करीब दोब्बर पाको उमेरमा यो चराले अण्डा पार्नुलाई निकै अनौठो मानिएको छ।
यो चराले यसअघि अन्तिम पटक सन् २०२१ मा अण्डा पारेको थियो। यसले आफ्नो जीवनकालमा ३० भन्दा धेरै बच्चा कोरलेको जनाएको छ। यो चरामा पहिलोपटक सन् १९५६ मा ट्याग लगाइएको थियो। त्यसबेला यो करीब ५ वर्षको थियो।
उक्त पोस्टमा विस्डम विश्वको सबैभन्दा पाको उमेरको जंगली चरा भएको भन्दै ऊ एक नयाँ साथीसँगै फर्किएर आएको र उसले अहिले एउटा नयाँ अण्डा पारेको बताइएको छ।
एक्समा शेयर गरिएका तस्वीर तथा भिडियोहरुमा पनि ७४ वर्षको यो चरा आफ्नो परिचित श्घघघ सँग देख्न सकिन्छ। जीव वैज्ञानिकहरुले ७४ वर्षको पानीचराले अण्डा जन्माउने कुरा निकै अनौठो रहेको टिप्पणी गरेका छन्।
